Vastelaoveskónzaer Kon. Harmonie St. Caecilia

Hooggeëerd publiek,

Nao 4 jaor van aafwezigheid is ’t in fibberwarie eindelik weer zowied! ’t Vastelaoveskónzaer is weer truuk en sjoner es ooit. Op zónjigmiddig 12 fibberwarie waert in de Robijn de piste opgebouwd en kent g’r uch verwónjere tiedes ’t vastelaovessirkes van Keuninklikke Hermenie St. Caecilia Zjwame.

Zo-es altied waere v’r ouch dit jaor weer biejgesjtange door ein aantal bekènde oet ’t dörp, die allemaol nag drök bezig zin mit ’t veurbereide van häör sirkesact. Waem det persies zin haje veur toet ’t nuje jaor nag efkes geheim.

De kaarte kènne vanaaf noe gerizzerveerd waere en koste €11,- per sjtök. De lèste edisie waas ruum vanteveure al oetverkoch, dus bön d’r sjnel biej! ‘T rizzervere kèn via kaartjes@harmonieswalmen.nl. Daonao krieg geur meer informasie euver ’t betale en ophaole van eur kaertjes.

Haol de kloonsnaze mer alvas oet de kas! Veur zin uch gaer weer truuk op ’t vastelaoveskónzaer!

Toet den!